Sërish këtë të enjte i vetmi opozitar në parlament ka qenë Ben Blushi dhe kundër tij të gjithë ministrat dhe deputetët e PS, ish-kolegët e tij.
Gjithnjë është përmendur nga Rama se Blushi është i pakënaqur pasi nuk i dha një post ministror, por se çfarë ka synuar Blushi e zbuloi sot Kodheli.
Më poshtë fjala e Kodhelit kundër Blushit në parlament
“Eshtë për të ardhur keq që cdo të enjte, ti bën parimorin, hedh baltë mbi ish kolegët e tu dhe këtë e bën jo domosdoshmërisht për parime. Se është i fortë tundimi dhe dëshira për të qenë pjesë e qeverisë, unë më shumë se kushdo e verifikoj këtë, pasioni i madh për të pasur një portofol si ai i Ministrisë së Mbrojtjes, e kemi diskutuar shumë herë, por ky nuk është diskutim. Nuk mund të jetë arsye se si ish shokët e tu mbulohen me baltë e të shara, njësoj si Saliu në një kohë kur Saliu është origjinal mllefi është i njohur, arsyet janë të njohura, sa unë kam mendur se pse ti sillesh kështu ishin të ndryshme, se mendova se do vinte dita të bëheshe politikan serioz por nuk do bëhesh dot, mllefi nuk do të lërë”.
Kodheli përmedi edhe përplasjen e javës së kaluar mes Blushit dhe ministrës së Arsimit Lindita Nikolla.
“Nuk e ngre këtë cështje vetëm për faktin se Lindita është grua, apo anëtare e qeverisë. Ke tentuar ta bësh këtë edhe një herë më përpara po s’ke qenë aq trim sa ta cosh deri në fund një ofendim për një zonë shumë të nderuar të PS. Kam menduar se ka qenë vetëm një koment ajo historia e dikurshme, bëj kujdes se mund të biesh sërish në gabim dhe kjo nuk të nderon. Po pyes veten shpeshherë, erdhe këtu fole për amnistinë, për të varfërit, por këtu sa ke qene s’je ulur të shkruash 5 pika, 5 fjalë, padyshim ke shkruar 5 libra po por për veten tënde, 5 rreshta ligj nuk ke shkruar. Keshtu që mendoj duke mos mundur ta bësh këtë gjë s’ke bërë asgje për popullin, as për të vobektit, as për të pasurit. Duke u marrë me ish¬kolegët e tu këto s’i bën sdot. Të këshilloj të bësh një gjë dhe ta bësh mirë, dhe këtë s’mund ta mbërrish duke u marrë me ne, se hajde bujrum, por unë të këshilloj të mos merresh”, tha Kodheli.
