Koço Kokëdhima mbrëmjen e sotme ka bërë përgjegjës vetëm dy njerëz për largimin e tij nga Partia Socialiste.
Ai tha se i pari është miku i tij më i afërt, Edi Rama, kurse i dyti, është konkurrenti i tij që ditën e parë kur u bë pjesë e kësaj partie, Gramoz Ruçi.
Këtë deklaratë, Kokëdhima e bëri në emisionin “Studio e Hapur”, ndërsa tregoi edhe përpjekjet për t’a shndërruar “Zgjidhjen” një fraksion të Partisë Socialiste dhe njerëzve që ai fajëson për këtë çështje.
“Ne i kërkuam kompromis ku të bëhesh një asamble pune dhe të pranohesh zgjidhja dhe programi i saj. Ne i ftuam të krijonin hapësirë debati dhe jo kongres për paradën e sukseseve të qeverisjes Rama. Një lëvizje që u krijua nga mijëra njerëz, si do shpreheshin ata njerëz? Do iknin në shtëpi sepse i dëboi Rama dhe Ruçi, të iknin nga Partia Socialiste”, tha Kokëdhima.
