Procedura e trombektomisë, një ndërhyrje urgjente për të hequr mpiksjen e gjakut është realizuar për herë të parë në sistemin publik shëndetësor, në spitalin Memorial të Fierit.
Lajmin e ka bërë të ditur ministrja e Shëndetësisë, Albana Koçiu përmes një njoftimi në rrjete sociale.
Koçiu njofton se procedura u bë falë bashkëpunimit të ekipit multidisiplinar.
“Në spitalin Memorial te Fierit, realizohet me sukses për herë të parë në sistemin tonë publik, procedura urgjente, e trombektomisë, falë bashkëpunimit të ekipit multidisiplinar, përfshirë dr. Umit Gorgulu, dr. Klaudio Disha, dr. Kjanda Elpenoria, dr. Muhammet Karaca dhe të bashkëpunimit me dr. Mesut Karatas, si dhe të teknikëve profesionistë, Tolga Kaya dhe Halil Ibrahim Ozkan.
Kjo është një nga proçedurat jetëshpëtuese, për të hequr mpiksjen e gjakut në arterien e trurit duke rivendosur rrjedhën e gjakut dhe minimizimin e dëmtimeve neurologjike.
Implementimi i autonomisë menaxheriale ka zgjeruar gamën e shërbimeve dhe po garanton ofrimin e një shërbimi cilësor, nga kapacitetet më të mira profesionale dhe teknologjia e avancuar mjekësore”, shkruan Koçiu.
