Pronarët e një klubi të njohur striptizmi në Paris janë treguar tepër bujarë me atletët që marrin pjesë në Lojërat Olimpike, duke ju ofruar atyre hyrje falas.
Drejtuesit e “Secret Square”, klubit të vendosur pak metra lart Champs Elysees i kanë ftuar të gjithë sportistët të vizitojnë strehën e tyre të kënaqësisë pa paguar asgjë.
Por oferta joshëse nuk vlen vetëm për sportistët, siç raportohet nga faqja amerikane TMZ.
“Gjatë pranisë së tyre në Lojërat Olimpike në Paris, atletët, trajnerët e tyre dhe madje edhe gazetarët nuk do të paguajnë asgjë për të hyrë tek ne. Ata vetëm duhet të tregojnë kartën e tyre të akreditimit”, tha një përfaqësues i klubit të striptizmit.
Që klientët zyrtarë të hyjnë falas, duhet të ndjekin edhe disa rregulla.
“Për klientët kërkohet veshje e përshtatshme. Çdo kontakt fizik me kërcimtaret është e ndaluar. Përveç kësaj, shkëmbimi i numrave të telefonit, email-eve dhe adresave me kërcimtaret është rreptësisht e ndaluar”.
Ndërkohë, në kushte normale, çmimi për hyrje në “Secret Square” është 25 euro për person. Sipas TMZ, konsumi minimal në klub është 20 euro, ndërsa koktejet kushtojnë 25 euro. Çmimi më i lirë i shisheve me alkool si rum apo whisky është 225 euro, ndërsa pija më e shtrenjtë kushton 6000 euro.
