Një aksident automobilistik ka ndodhur mesditën e sotme në afërsi të Klosit në bypass. Mësohet se një furgon me pasagjerë ka dalë nga rruga dhe janë lënduar 3 prej tyre.
“Rreth orës 14.15, në bypass, Klos, shtetasi A.L., 55 vjeç, duke drejtuar automjetin tip furgon, ka humbur kontrollin mbi drejtimin e mjetit dhe mjeti ka dalë nga rruga.
Si pasojë, kanë mbetur të lënduar 3 pasagjer, të cilët po marrin ndihmë mjekësore në spital dhe ndodhen jashtë rrezikut për jetën.
Grupi hetimor po kryen hetimet në vendngjarje”, njofton policia.
