Katër persona të cilët kishin ndaluar pranë Urës së fashit të Klosit ku nis rruga e Arbrit nuk i janë bindur urdhrit të policisë dhe janë larguar.
Policia bën me dije se gjatë orëve të natës të së premtes, patrulla ka pikasur një mjet me xhama të zinj që vinte nga Tirana dhe i ka kërkuar të ndalojë.
Mësohet se personat që ndodheshin në makinë nuk janë bindur, duke u larguar në një distancë jo shumë larg dhe kanë braktisur automjetin. Ata janë larguar në drejtim të paditur ku kanë përfituar nga errësira për t’i shpëtuar policisë.
Gjatë kontrollit të ushtruar në mjet janë gjetur kapuçë të zinj në formë maske dhe disa fishekë luftarak. Policia nuk e ka bërë publike si ngjarje, ndërsa prokuroria e Matit ka nisur hetimet./Opinion.al
