Jurgen Klopp është treguar i matur para ndeshjes me Villarrealin në gjysmëfinale të Europa League
Trajneri i Liverpoolit, Jurgen Klopp, në konferencën për media para ndeshjes me Villarrealin, ka thënë se në gjysmëfinale të kësaj gare nuk ka favorit, teksa ka lavdëruar ekipin kundërshtar.
“Duhet të përgatitemi që të jemi në më të mirën tonë. Nuk duhet të shpresojmë që ata do të bëjnë gabime pasi ardhja këtu nënkupton se Villarreal ka bërë punë të mirë. Ata nuk gjenden rastësisht në gjysmëfinale. Për të arritur këtu kuptohet se kanë dhënë më të mirën e tyre e që do të tentojnë ta bëjnë edhe ndaj nesh”, ka deklaruar Klopp.
