Kandidatja Demokrate për zgjedhjet Presidenciale në SHBA, Hillary Klinton e ka cilësuar një person të rrëzikshëm rivalin e saj Republikan Donald Trump.
Duke iu referuar komenteve të këtij të fundit mbi Muslimanët, Klinton tha për televizionin NBC se bilioneri ishte “I turpshëm dhe i gabuar” me deklaratat e tij. Ajo i konsideron kërkesat e tij për të ndaluar hyrjen e muslimanëve në SHBA, si ushqyese të propagandës së ISIS. “Retorika e Trump ka nxehur aftësinë e kombit për të luftuar rritjen e Shtetit Islamik, duke ushqyer propagandën e grupit, që mund të përdoret për të rekrutuar njerëz” ka thënë Klinton.
Për Klinton, kërkesat e Trump që të mos i lënë Muslimanët të hyjnë në vend, është letra e duhur në dorën e terroristëve. Më parë, Klinton pati denoncuar propozimet e Trump ndërsa ai përpiqej ti shtrinte pikëpamjet e tij bombastike te pjesa tjetër e partisë Republikane. “Disa nga rivalët e tij Republikanë po thonë se komentet e tij të fundit kanë shkuar shumë larg”, ishte shprehur Klinton gjatë një ndalese elektorale në New Hampshire.
“Por e vërteta është se shumë prej tyre kanë thënë gjëra ekstreme rreth Muslimanëve. Gjuha e tyre mund të jetë më e maskuar se sa e Trumpit, por idetë e tyre nuk janë dhe aq të ndryshme”, deklaroi Klinton.
