Këshilli i Lartë Gjyqësor miraton dorëheqjen e gjyqtarit Metush Saraçi.
“Këshilli miratoi deklarimin e mbarimit të statusit të gjyqtarit Metush Saraçi, për shkak dorëheqjeje” informon zyra e shtypit pranë KLGJ-se.
Ish-kryetari i gjykatës së Apelit të Tiranës i paraqiti dorëheqjen presidentit të Republikës, si dhe Komisionit të Pavarur të Kualifikimit.
Mësohet se në dorëheqjen e tij, 2 dhjetor 2018 ish-kreu i gjykatës së Apelit të Tiranës kishte dhënë si argument arsyet shëndetësore për shkak të moshës që sipas tij nuk e lejonin të vijonte detyrën si gjyqtar në gjykatën e Apelit.
