Në 10 maj të këtij viti, Gjykata e Tiranës vendosi masën “detyrim paraqitje” për ish-deputetin e Partisë Demokratike, Klevis Balliu, i arrestuar pas protestës së dhunshme dhe të paligjshme tek Unaza e Re.
Prokuroria kërkoi “arrest shtëpie”, por Gjykata vendosi masë më të lehtë, detyrim paraqitje. Këtë të mërkurë në emisionin Opinion, Klevis Balliu foli për rastin duke treguar dhe arsyet, sipas tij pse u arrestua.
“Forcat e ndërhyrjes së shpejtë kishin ardhur për kryeministrin. Pasi ishte bllokuar rruga, kam ardhur unë. Ata (FNSH) i kanë kapur njerëzit prej fyti, të tjerë i kanë djegur më atë solucionin. FNSH iu sulet për të larguar, iu thotë banorëve se duhet të largohen se vjen kryeministri. Ata thonë që nuk largohen. Unë iu dola në mbrojtje qytetarëve”, tregoi ish deputeti demokrat.
“Unë nuk iu vë faj policëve dhe për arrestimin tim. Unë e mbroj policinë e shtetit, nuk e di pse më ndaluan. Ai lart më ndaloi mua për një arsye, për shkak të protestës tek unazës. Në momentin që largohem unë, çdo ai i FNSH-së që më hedh mua spraj në sytë? Unë kam hipur vetë në furgon, prokuroria kërkon prova dhe nxjerr një polic aty që thotë se unë i kam thyer krahun. Këta fabrikojnë prova, pasi vjen Rebani Jaupi statusi im ndryshoi, nga i shoqëruar në i arrestuar”, tregoi më tej Balliu./ Opinion.al
