Pasi na ngatërruan disa herë, duke na dhënë sinjale të ndryshme se njëherë ishin bashkë e herën tjetër jo, Klea Huta dhe Elgit Doda pranuan më në fund se ishin në një lidhje dashurie.
E që prej asaj dite, edhe pse pak të rezervuar, ata nuk ngurrojnë ta tregojnë në rrjetet e tyre sociale se sa të dashuruar janë. Ishte Klea ajo që para pak ditësh deklaroi se tipari qe e tërhiqte më shumë te Elgiti ishte buzëqeshja.
Ndërsa këtë herë e ka Eligiti radhën të na zbulojë diçka të re dhe të veçantë për çiftin simpatik. Vetë kantautori ka publikuar një foto në Instagram ku shfaqen duart e tyre me një tatuazh të ri.
Elgiti ka zgjedhur ikonën e mbretit ndërsa këngëtarja atë të mbretëreshës shoqëruar me simbolet përkatëse duke treguar kështu se Elgiti është Mbreti për Klean dhe Klea Mbretëresha e Elgitit.
Gjithashtu nga çifti pritet një bashkëpunim i mundshëm sepse shihen shpesh herë në studio së bashku.
