Gjykatën e Apelit të Tiranes për katër vitet e ardhshme do ta drejtojë Hysni Demiraj. Këshilli i Lartë i Drejtësisë e ka zgjedhur me 8 vota pro dhe vetëm 1 kundër. Demiraj fitoi përballë kandidaturës së kryetarit akutual të kësaj gjykate Alaudin Malaj dhe kandidaturës tjetër Gramoz Levanaj.
Në votim nuk mori anëtari Gjin Gjoni, i cili hoqi dorë për shkak se muaj më parë ka kallëzuar penalisht gjyqtarin Malaj. Edhe ministri i Drejtësisë Ylli Manjani, nuk mori pjesë në votim duke dekalruar se ka konflikt interesi, pasi ka në procedim disiplinor gjyqtarin Malaj. Sakaq gjatë votimit nuk ka qenë i pranishëm as Presidenti Nishani i cili është njëherësh edhe kryetar i KLD-së.
Po në këtë mbledhje KLD zgjodhi dhe 6 gjyqtarë të Gjykatës së Apelit Administrative të Tiranës. Gjyqtarët që morën më shumë vota për emërimin janë Fjoralba Prifti, Enkeleda Softa, Bari Shyti, Bernina Kondi, Arjan Qafa dhe Amarildo Laçi.
