Balerina Klaudia Pepa në një prej netëve Amici, është komentuar për puthjen që partneri i saj në kërcim, Alesio tentoi ti jepte. Klaudia ka sqaruar në një intervistë për Paloma se, kjo ngjarje shkaktoi ovacione në publik dhe u përfol gjatë më pas.
“Shumë e komentuar puthja e Alesios. Ai është një nga ata djemtë që dashurohet shpejt me vajzat. Në rastin tim ai më kërkonte shpesh mua dhe produksionit që në fund të koreografisë të më jepte një puthje, por unë refuzoja. Kur kjo pjesë doli në skenë ai u afrua të më puthte por nuk ia arriti e kjo gjë krijoi një atmosferë argëtuese dhe publiku qeshi me Alesion ‘mistrec’”, sqaron Klaudia.
Tashmë Klaudia punon në Itali në “Canale 5” ndërsa bashkëshorti i saj, koreografi Albi Nako vazhdon punën në Tiranë. “Ky është realiteti i momentit, por them që kjo largësi më ka bërë të dashurohem nga e para me Albin”, rrëfen Klaudia Pepa.
