Tre persona kanë rënë në prangat e policisë në Pukë për shkak të kultivimit të bimëve narkotike. Pas një kontrolli të policisë në fshatin Arat e Mira, Fushë-Arrëz, në një zonë të pyllëzuar janë gjetur dhe sekuestruar në cilësinë e provës materiale 13 kilogramë lëndë narkotike, disa bimë të kultivuara, një armë zjarri automatike dhe municon luftarak.
Bëhet e ditur se tre personat që janë kapur në flagrancë nga policia janë 28-vjeçari me iniciale F. Ll, 28-vjeçari me iniciale A. M., dhe 37-vjeçari me iniciale E. M për akuzat e “Kultivimi i bimëve narkotike e kryer në bashkëpunim” dhe “Mbajtja pa leje e armëve dhe i municionit”.
Gjithashtu sipas njoftimit të policisë është duke u proceduar penalisht Kryeplaku i fshatit 61-vjeçari M. M për akuzën e “Shpërdorimit të detyrës”.
Materialet iu referuan Prokurorisë pranë Gjykatës së Rrethit Gjyqesor Pukë për veprime të mëtejshme.
Njoftimi i Policisë:
Finalizohet operacioni i koduar “Arat”. Operacioni për parandalimin dhe goditjen e veprimtarisë kriminale në fushën e narkotikëve.
Sekuestrohen drogë, armë e municion luftarak.
Në pranga tre shtetas.
Procedohet penalisht dhe kryeplaku i fshatit për shpërdorim detyre.
Nga strukturat e Komisariatit të Policisë Pukë, në vijim të punës për parandalimin dhe goditjen e veprimtarisë kriminale në fushën e narkotikëve, në bazë të informacioneve të marra në rrugë operative, janë arrestuar në flagrancë për veprat penale “Kultivimi i bimëve narkotike e kryer në bashkëpunim” dhe “Mbajtja pa leje e armëve dhe i municionit”, shtetasit: F. Ll., 28 vjeç, banues në Fushë-Arrëz; A. M., 28 vjeç dhe E. M., 37 vjeç, banues në Laç.
Si dhe është proceduar penalisht shtetasi M. M., 61 vjeç, banues në fshatin Arat, Fushë-Arrëz, për veprën penale “Shpërdorim i detyrës”. Arrestimi i këtyre shtetasve është bërë, pasi gjatë kontrollit të territorit të ushtruar në fshatin Arat e Mira, Fushë-Arrëz, në një zonë të pyllëzuar, policia ka gjetur e sekuestruar në cilësinë e provës materiale 13 kilogramë lëndë narkotike, disa bimë të kultivuara, një armë zjarri automatike dhe municon luftarak.
Gjatë kontrollit policia ka kapur në flagrancë në vendin ku u gjet lënda narkotike tre shtetasit e lartpërmndur .
Materialet iu referuan Prokurorisë pranë Gjykatës së Rrethit Gjyqesor Pukë për veprime të metejshme./Opinion.al/
