Kjo grua që shihni në foton e mëposhtme është edukatorja e Shtëpisë së Foshnjës në qytetin e Durrësit që dhunoi barbarisht një fëmijë të moshës 3 vjeç e gjysmë.
Ajo është ndaluar sot nga policia me kërkesë të Prokurorisë deri në sqarimin e plotë të rrethanave të ngjarjes.
Një ditë pas publikimit të një videoje nga emisioni investigative Stop që tregonte dhunën e edukatores së Shtëpisë së Foshnjes në Durrës mbi një fëmijë, ka reaguar edhe ministri i Mirëqenies Sociale dhe Rinisë, Blendi Klosi.
Ai ka lajmëruar pushimin nga puna të edukatores Dafina Fama.
Sipas tij, dhuna e treguar në video, është e patolerueshme dhe kërkoi të zbardhet ngjarja.
Emisoni investigativ “STOP” solli rastin tronditës.
Në video shihej një fëmijë i moshës 3 vjeç e gjysmë, i Shtëpisë së Foshnjes në Durrës, i cili është dhunuar barbarisht nga kujdestarja e këtij institucioni, Dafina Fama.
Dhuna e ushtruar ndaj fëmijës u konfirmua edhe nga drejtoresha e këtij institucioni Heroina Duka, e cila tha se janë marrë masat e nevojshme për largimin e menjëhershëm të kujdestares. Duka e cilësoi gjithashtu këtë si një akt të patolerueshëm.
