Mbretëresha e Anglisë, Eizabeth II, u ka bërë një dhuratë mjaft të veçantë, aq edhe mbreslënëse çiftit të sapomartuar Meghan Markle dhe Princit Harry. Gjyshja e Harryt i ka dhuruar çiftit një shtëpi gjigande, konkretisht “York Cottage”, një nga rezidencat e saj madhështore në Sandringham.
Sipas “Harper’s Bazaar”, kjo pronë është 8000 hektarë, duke përfshirë një park publik prej 240 hektarësh dhe një kopsht 24 hektarësh, i cili është i lidhur me shtëpinë kryesore. Duncan Larcombei, përfaqësuesi mbretëror, ka deklaruar për “Cosmopolitan” se Mbretëresha Elizabeth e ka për zakon që t’u dhurojë prona të ndryshme familjarëve të saj.
Ajo i dhuroi “Sunninghill Park” Princit Andrew, “Birkhall” Princit Çarls dhe “Anmer Hall” ua dhuroi Princit William dhe Kate Middleton. Kjo vilë deri tani është përdorur si strehim për mysafirët që vizitojnë Sandringham, për pushime dhe për stafin punonjës.
