Muajt e debateve të ethshme të fushatës kanë kaluar. Saimir Tahiri dhe Luan Rama nuk kanë më nevojë për përplasje të ashpra, madje ka edhe çështje që i bashkojnë, siç është mbrojtja e kafshëve. Në debatin që po zhvillohet në mediat sociale pas videos skandaloze të masakrimit të një qeni në Kuçovë janë përfshirë dhe Tahiri me Luan Ramën e LSI-së.
Tahiri thotë se një racë e dhunshme po rritet në Shqipëri që mund të jenë kërcënim për shoqërinë. Ai kujtoi edhe nismën e tij ligjore kur ishte ministër për një p/ligj për mbrojtjen e kafshëve nga dhuna.
Pas statutit të Tahirit në facebook ka reaguar Luan Rama, duke i thënë se e ka në krah në këtë nismë të rëndësishme. “Akt makabër, i shëmtuar deri në neveri, parathënie e një krimineli që po vjen! Duke u solidarizuar me shqetësimin tënd qytetar, më ke në krah për projektligjin për mbrojtjen e kafshëve”, shkruan Luan Rama.
