Ivan Balliu është një ndër tre lojtarët e rinj të ftuar nga trajneri i Kombëtares shqiptare, Cristian Panucci për dy ndeshjet eliminatore ndaj Lihtenshtjenit që u fitua nga kuqezinjtë dhe Maqedonisë që pritet të luhet nesër.
Balliu është një prej talenteve që ka dalë nga akademia e klubit katalanas të Barcelonës, edhe pse dëshira e tij për të veshur ngjyrat e kombëtares kuqezi është e jashtëzakonshme.
25-vjeçari aktualisht aktivizohet në radhet e skuadrës franceze Metz, ndërsa vjen në Shqipëri për herë të parë, në vendin e gjyshërve të tij. Balliu është me origjinë shqiptare nga babai, ndërsa nëna e tij është spanjolle.
Mbrojtësi tashmë kuqezi jeton në Francë me bashkëshorten e tij spanjolle, Marta Soler. Ata kanë kurorëzuar lidhjen e tyre të dashurisë 6-vjeçare me martesë, nga e cila kanë edhe një fëmijë.
