Ceremonia martesore e Sara Hoxhës dhe Ledion Liços, ka qenë ndër më diskretet e mundshme, kjo jo vetëm në çështjen e organizimit, se sa të detajeve të tjera që mund të zbuloheshin, nga të ftuarit VIP, tek veshja e tyre, ngjyrat, stili, akesesorët, e gjithçka tjetër.
Përveç tentativës personale të disa personazheve të njohur publik shqiptar, asnjë tjetër prej të “zotëve të shtëpisë” nuk ka publikuar deri më sot një album të mirfilltë nga ceremonia, celebrimi, darka me të ftuarit, etj. Kureshtjen na e theu e para Sara, e cila vendosi të ndryshojë foton e profilit zyrtar në instagram, me vetëm një foto nga darka e dasmës, ku ajo shfaqet e veshur nuse, duke puthur bashkëshortin e saj.
Më pas, ishte Lori e cila publikoi një foto interesante, të pak minutave përpara ditës së madhe, duke u grimuar dhe me një fustan super elegant vezullues në xixa e shkëlqim.
E ndërsa, të gjithë jemi ende gjithë sy e vesh për të parë të tjera foto të papublikuara deri më sot nga dasma e shumëpërfolur e çiftit Sara dhe Ledion, motivin sqarues për të gjithë e ka dhënë më në fund Lori Hoxha. Në një intervistë dixhitale në instagram, ajo i është përgjigjur interesit së fansit: “Unë po pres fotot për vete”.
