Një 20-vjeçar nga Kosova ka humbur jetën ditën e djeshme, pranë një plazhi në Dhërmi.
Uniformat blu njoftojnë se i riu dyshohet se humbi jetën për shkaqe natyrale.
Ndërkohë do të kryhet autopsia mjekoligjore pranë Institutit të Mjekësisë Ligjore, Tiranë, për përcaktimin e saktë të shkakut të vdekjes.
20-vjeçari kishte ardhur në Dhërmi me pushime së bashku me shoqërinë e tij.
“Specialistët e Stacionit të Policisë Dhërmi referuan materiale për vlerësim, pasi më datë 14.07.2025, pranë një plazhi në Dhërmi, në fushën e volejbollit, dyshohet se ka humbur jetën për shkaqe natyrale shtetasi A. H., 20 vjeç, banues në Kosovë, i cili ndodhej me pushime së bashku me shoqërinë e tij.
Autopsia mjekoligjore do të kryhet pranë Institutit të Mjekësisë Ligjore, Tiranë, për përcaktimin e saktë të shkakut të vdekjes”, njofton policia.
Materialet iu referuan Prokurorisë, për veprime të mëtejshme procedurale.
