Ndërhyrja e policisë ka parandaluar një vjedhje në një subjekt tregtar.
Uniformat blu bëjnë me dije se kanë vënë në pranga 2 shtetas, me precedent kriminal për vjedhje.
Mësohet se janë zbardhur 1 rast i vjedhjes dhe 1 rast i tentativës për vjedhje, me autorë këta dy shtetas.
“Gjatë kontrolleve të vazhdueshme për garantimin e sigurisë në territor, shërbimet e Patrullës së Përgjithshme të Komisariatit të Policisë Vlorë kanë konstatuar lëvizje të dyshimta pranë një subjekti tregtar, në lagjen “24 Maji”, dhe kanë ndërhyrë menjëherë, duke kapur dhe arrestuar në flagrancë dy shtetas që po tentonin të vidhnin, konkretisht:
E. H., 36 vjeç, dhe E. K., 31 vjeç, të dy banues në Vlorë, me precedent kriminal në fushën e vjedhjes.
Nga veprimet e mëtejshme hetimore të kryera nga specialistët për Hetimin e Krimeve të Komisariatit të Policisë Vlorë, bazuar në provat e siguruara për disa raste të tjera vjedhjesh në qytet, u dokumentua se këta shtetas:
Më datë 25.01.2025, kanë vjedhur produkte të ndryshme në një lokal në lagjen “10 Korriku”;
Më datë 02.01.2025, kanë tentuar të vjedhin materiale elektrike në një objekt në ndërtim në lagjen “1 Maji”.
Në cilësinë e provës materiale u sekuestruan disa sende që dyshohet se janë përdorur nga dy autorët, për kryerjen e vjedhjeve.
Vijon puna për zbardhjen dhe dokumentimin e rasteve të tjera të vjedhjeve që mund të jenë kryer nga këta shtetas”, njofton policia.
Materialet procedurale i kaluan Prokurorisë, për veprime të mëtejshme./Opinion.al
