Një shpërthim i fuqishëm ka ndodhur në lindje të Kinës, duke u marrë jetën 47 njerëzve e duke plagosur mbi 600 të tjerë. Sipas mediave ndërkombëtare, shpërthimi ndodhi të premten, rreth orës 3 të mëngjesit me orën e Kinës në parkun industrial Chenjiagang, në qytetin Yancheng.
Të plagosurit janë dërguar në 16 spitale, ndërsa mësohet se të paktën 32 prej tyre janë në gjendje kritike për jetën.
Nuk dihet ende shkaku i shpërthimit, por kompania e cila prodhon rreth 30 përbërës kimikë, ishte gjobitur disa herë për shkelje të sigurisë në punë./Opinion.al
