Qyteti në Kinë, Wuhan, ku u evidentuan për herë të parë rastet e virusit do të mbyllë përkohësisht transportin publik. Në këtë mënyrë realizohet përpjekja që në qytetin me njëmbëdhjetë milion banorë të frenohet shpërthimi i një lloji të ri të virusit.
Personat që jetojnë në këtë qytet janë këshilluar që të mos largohen, ndërkohë shumë kinezë po udhëtojnë për të festuar Vitit të Ri kinez. Sipas BBC raste të konfirmuara nga koronavirusi janë 500 dhe 17 persona kanë humbur jetën.
Të gjithë personat që kanë humbur jetën kanë qenë në Hubei, provinca përreth Wuhan. Virusi është një lloj i ri i koronavirusit i pa identifikuar më parë te njerëzit.
Virusi Sars (sindromi i rëndë i frymëmarrjes akute) që vrau gati 800 njerëz në nivel global në fillim të viteve 2000 ishte gjithashtu një koronavirus, siç është edhe ftohja e zakonshme.
