Origjina e koronavirusit dhe vonesa për dhënien e alarmit për pandeminë ka ngjallur debat të ashpër politikë në arenën ndërkombëtare. SHBA ka akuzuar vazhdimisht Kinën për fshehje të të dhënave, ndërsa ka kritikuar qëndrimin e OBSH-së.
Ndërkohë, presitigjiozja gjermane “Der Spiegel” ditën e sotme ka publikuar një lajm ku pretendon se Presidenti i Kinës, Xi Jinping, gjatë një bisede në janar, i ka kërkuar Drejtorit të Përgjithshëm të Organizatës Botërore të Shëndetit, Tedros Adhanom, ‘të vonojë paralajmërimin global’ për kërcënimin e COVID-19.
Media gjermane iu referohet të dhënave nga Shërbimi Federal i Inteligjencës i vendit, i njohur si ‘Bundesnachrichtendienst’ (BND).
Sipas BND: “Më 21 janar, udhëheqësi i Kinës Xi Jinping kërkoi nga shefi i OBSH-së Tedros Adhanom Ghebreyesus të mos flasë për informacionet rreth transmetimit nga njeriu te njeriu dhe të vonojë një paralajmërim pandemik”.
Sipas BND, për shkak se Kina nuk dha informacion, bota humbi katër deri në gjashtë javë për të luftuar virusin vdekjeprurës. OBSH lëshoi një deklaratë menjëherë pas publikimit të këtyre pretendimeve, duke i quajtur ato “të pabaza dhe të pavërteta“.
“Dr Tedros dhe Presidenti Xi nuk folën më 21 janar dhe ata kurrë nuk kanë folur me telefon. Raporte të tilla të pasakta shpërqendrojnë dhe dëmtojnë përpjekjet e OBSH-së dhe botës për t’i dhënë fund pandemisë COVID-19. Kina konfirmoi transmetimin nga njeriu te njeriu i koronavirusit më 20 janar [para bisedës telefonike të pretenduar]. OBSH deklaroi publikisht më 22 janar se “të dhënat e mbledhura … sugjerojnë që transmetimi nga njeriu tek njeri po zhvillohet në Ëuhan”,- thuhet në deklaratë.
Nëse pretendimet janë të vërteta, ato do të forconin pohimin e Presidentit Trump se OBSH mbështet Kinën.
Në prill, administrata Trump pretendoi se OBSH po bëhej një mjet i “propagandës kineze” dhe presidenti paralajmëroi ndalimin e financimit për organizatën. Javën e kaluar, Presidenti filloi një sulm të ri ndaj organizatës.
“Organizata Botërore e Shëndetit ka qenë një katastrofë. Gjithçka që ata thanë, ishte e gabuar dhe ata janë në qendër të Kinës. Të gjitha ato që ata bëjnë janë në dakordësi me Kinën. Ata bëjnë çfarëdo që Kina dëshiron të bëjë”- është shprehur Trump.
Marrëdhëniet midis Uashingtonit dhe OBSH-së janë përkeqësuar përgjatë gjithë krizës. Drejtori i Përgjithshëm Tedros Adhanom Ghebreyesus e ka përshëndetur Kinën si një shembull se si të trajtohet një emergjencë pavarësisht skepticizmit të përhapur të numrit zyrtar të vdekjeve nga koronavirusi./ Opinion.al
