Ambasadorja e SHBA-së, në Tiranë, Yuri Kim, ka takuar kryetaren e Gjykatës Kushtetuese Holta Zaçaj për ta uruar për zgjedhjen në krye të këtij institucioni.
Në një postim në “Twitter”, ambasadorja Kim thotë se SHBA do të vazhdojë të mbështesë reformën në drejtësi në mënyrë që gjykatat të funksionojnë të pavarura dhe me integritet.
Sipas Kim, funksionimi i gjykatave është kërkesë e drejtë e qytetarëve, është i nevojshëm për të tërhequr më shumë investime si dhe është një nga kushtet për anëtarësimin në BE.
“Sot takova Holta Zaçajn për ta uruar për zgjedhjen në krye të Gjykatës Kushtetuese. SHBA do të vazhdojë të mbështesë reformën në drejtësi në mënyrë që gjykatat të funksionojnë të pavarura dhe me integritet. Kjo është kërkesë e drejtë e qytetarëve, është e nevojshme për të tërhequr më shumë investime dhe e nevojshme për anëtarësim në BE. I urojmë gjykatëses Zaçaj dhe gjithë gjykatësve të tjerë suksese në përmbushjen e detyrës”, ka shkruar ambasadorja Kim.
