Ambasadorja amerikane Yuri Kim është takuar ditën e sotme me drejtoren e Shërbimit Informativ të Shtetit, Vlora Hysenin.
Në një njoftim të shpërndarë në rrjete sociale nga ambasada e SHBA në Tiranë, thuhet se Kim dhe Hyseni ranë dakord për rëndësinë e bashkëpunimit të fortë SHBA-Shqipëri për sigurinë kombëtare dhe inteligjencën.
Ambasadorja Kim shprehu mbështetjen për përpjekjet e reja për të siguruar që Shqipëria të jetë në gjendje të përballojë sfidat në mënyrë efektive.
“Ambasadorja Yuri Kim vizitoi sot Vlora Hysenin, Drejtuese e Shërbimit Informativ Shtetëror, për ta uruar për emërimin e ri dhe për t’i uruar suksese në këtë rol të rëndësishëm. Të dyja ranë dakord për rëndësinë e bashkëpunimit të fortë SHBA-Shqipëri për sigurinë kombëtare dhe inteligjencën. Ambasadorja Kim shprehu gjithashtu mbështetjen për përpjekjet e reja për të siguruar që Shqipëria të jetë në gjendje të përballojë sfidat në mënyrë efektive”, shkruan ambasada e SHBA-së në Tiranë./Opinion.al
