Kreu i Partië së Lirisë, Ilir Meta në një konferencë për mediat ditën e sotme, ka folur edhe për takimin e zhvilluar ditën e djeshme me ambasadoren e SHBA, Yuri Kim.
I pyetur nga gazetarët nëse ka patur presion për të mos patur koalicion me Berishën dhe nëse rrezikon sanksione në rast bashkëpunimi, Meta tha se kjo nuk është e vërtetë ndërsa ka shtuar se ka patur një bisedë konstruktive me ambasadoren Kim duke theksuar se SHBA-të janë të interesuara për një opozitë shumë të fuqishme në vendin tonë.
“Kjo është zero e vërtetë, marrëdhëniet e mia me SHBA janë shumë të hapur dhe parimore. Gjithmonë kam marrë vendimet e mia bazuar në Kushtetutën tonë. Kështu që nuk ka asnjë lloj presioni, përkundrazi kemi pasur një bisedë konstruktive dhe SHBA janë të interesuara për një opozitë shumë të fuqishme, që në vend të funksionojë llogaridhënia. Gjithçka tjetër janë thashetheme të portaleve të kryeministrit. Po kështu e kam falenderuar ambasadoren për bashkëpunimin e shkëlqyer që kanë të rinjtë tanë dhe gratë e Partisë së Lirisë me institutin republikan edhe sa i takon zgjedhjeve vendore dhe Institutin Demokratik Amerikan”-tha Meta./Opinion.al
