Ditën e sotme ambasadorja amerikane Yuri Kim ndodhej në Lagunën e Kune-Vain të Lezhës së bashku me ministrin e Mjedisit dhe Turizmit, Blendi Klosi.
Teksa theksoi bukuritë natyrore që ka vendi ynë, Kim shtoi se SHBA ka ndihmuar me 1.8 milionë dollarë për turizmin në Shqipëri.
Po ashtu, Kim tha se mbrojtja e mjedisit fillon me pastrimin e tij, pasi mbledhja e mbeturinave është përgjegjshmëri.
“Ju falenderoj që më keni ftuar. Është kënaqësi. Dëgjova prej ministrit që jeni vullnetarët që prisni turistët në Shqipëri dhe ofroni përshëndetjet tuaja. Ky është vit i veçantë prej pandemisë jam e kënaqur si keni bërë përshtatjen në bazë të situatës. Keni gjetur një tjetër rrugë për të vijuar projektin. Kam qenë këtu për 6 muaj dhe kam patur mundësinë të vizitoj shumë zona të bukura. Kam qenë në Berat, Vlorë, Sarandë, pak në Krujë. Por jam e lumtur të jem këtu dhe e kënaqur që të dëshmoj bukurinë natyrorë të Shqipërisë. Nuk është bukuri vetëm për SHqipërinë po gjithë botën, dhe mezi pres të behet një thesar. Mbrojtja e mjedisit fillon me pastrimin e tij. Jam e kënaqur që nuk jemi përgjegjës vetëm për mbeturinat por edhe për pastrimin e mbeturinave të të tjerëve. Kur mbledh mbeturinat që krijoj është përgjegjshmëri. Por nëse mbledh mbeturinat e të tjerëve pasi dua zgjidhje të problemit është akt inteligjence, zgjuarsi por edhe zgjidhje të tij. SHBA kanë dhënë ndihma rreth 1.8 milionë dollarë që kanë ndihmuar industrinë e turizmit, veçanërisht për mjedisin. SHBA janë me ju. Pres me kënaqësi të përveshim mëngët me ju që jeni këtu, që jepni zgjidhje dhe duan të pastrojnë Shqipërinë.”- tha Kim./ Opinion.al
