Javën e kaluar, interneti po ziente nga disa fotografi ku u vu re se Kim Kardashian ka zgjedhur të njëjtat veshje që Naomi Campbell ka veshur në vitet ’90. Përdoruesit e rrjeteve sociale e quajtën një kopjim veprimin e Kim-it pasi nuk bëhet fjalë për një rastësi, por për shumë të tilla:
“Hera e parë është një aksident. Hera e dytë është rastësi. Hera e tretë është kopjim”, shkruhej në një postim në Twitter që u shpërnda gjithandej.
Kim Kardashian vendosi më në fund që t’u kthejë përgjigje të gjitha pyetjeve me postimin e radhës në Instagram. Ajo ka postuar një seri fotografish nga martesa e Chance the Rapper, ku mbante veshur një nga fustanet e Naomi-t, ndërsa shkruante: “Naomi Përgjithmonë”.
Fansat u gëzuan shumë për faktin që Kim më në fund po ia njeh meritat e këtyre veshjeve, supermodeles./Opinion.al
