Presidenti rus Vladimir Putin dhe udhëheqësi i Koresë së Veriut Kim Jong-un u takuan në qendrën hapësinore në Vostochny në rajonin Amur. Lajmi është bërë i ditur nga agjencia ruse Tass.
Putin tha se “të gjitha temat” do të diskutohen gjatë bisedimeve me liderin e Koresë së Veriut Kim Jong-un në qendrën hapësinore në Vostochny, duke përfshirë bashkëpunimin në fushën ushtarake.
Nga ana tjetër Lideri i Koresë së Veriut, Kim Jong-un, ka dëshmuar përsëri mbështetjen ndaj Rusisë. Për luftën në Ukrainë dhe përplasjet me Perëndimin, Kim Jong-un është shprehur se Rusia u “ngrit në këmbë” për të mbrojtur sovranitetin dhe sigurinë e saj duke kundërshtuar forcat hegjemoniste.
“Rusia u ngrit në këmbë për të mbrojtur sovranitetin dhe sigurinë e saj duke kundërshtuar forcat hegjemoniste”,-tha Kim Jong-un.
Fjalimi i tij u citua nga agjencia ruse Ria Novosti, në takimin e tij me presidentin rus Vladimir Putin.
