Lideri koreano-verior, Kim Jong Un ka urdhëruar ekzekutimin dhe zhdukjen nga politika e zyrtarëve më të lartë, që ishin pjesë në samitin e Hanoi me SHBA, i cili dështoi.
Sipas mediave në Korenë e Jugut pas dështimit të samitit të dytë me SHBA në Hanoi, Kim Jong-Un ka urdhëruar ekzekutimin e zyrtarëve, të cilët ai i quan përgjegjës për dështimin.
Në muajin mars të këtij viti është ekzekutuar kryenegociatori Kim Hiok-col, ndërkohë që ish-krahu i tij i djathtë, Kim Jong-col, ka përfunduar në një kamp riedukimi. Gjithashtu mësohet se Kim Jong-Un nuk ka kursyer as të motrën, se cilës i është këshilluar të ketë një profil të ulët publik.
Kryenegociatori Kim Hiok-col ishte homolog i përfaqësuesit të veçantë amerikan për Korenë e Veriut Stefen Biegun dhe përfundoi para pushkatimit së bashku me katër zyrtarë të tjerë, nën akuzën e spiunimin për llogari të SHBA-së.
Ndërkohë Kim Jong-col, përkthyes i sekretarit amerikan të shtetit Majk Pompeo, të cilin e takoi dhe në Uashington mësohet të jetë dënuar me punë të rëndë në një provincë; ndërsa një përfaqësues i departamentit të frontit të përbashkët ndodhet në një kamp për të burgosurit politikë.
Edhe përkthyesja e liderit koreano-verior ka patur të njëjtin fat pasi është akuzuar se kishte njollosur autoritetin e Kim për një gabim gjatë punës së saj në përkthim.
Këta persona nuk ishin në delegacionin koreano-verior që mori pjesë në samitin mes Kim dhe presidentit rus Vladimir Putin në Vladivostok./Opinion.al/
