Para pak ditësh këngëtari Butrint Imeri dhe moderatorja e Tv Klan Kiara Tito kanë publikuar në rrjete sociale foto ku shfaqen së bashku duke bërë ndjekësit e tyre të aludojnë se janë në një lidhje.
Prej kohësh në media dhe rrjete sociale mendohet se moderatorja e Klan dhe këngëtari janë bashkë. Mirëpo gjatë një interviste për emisionin “Rudina” në Klan, Kiara është shprehur rreth ‘prapaskenës’ së fotos.
“Fotot janë bërë gjatë xhirimeve të klipit të Butrintit që do të dalë së shpejti dhe mbetet një surprizë dhe nuk mund të zbuloj më shumë. Vetëm kaq mund të them për momentin, është një surprizë e bukur që mbetet ta shihni sepse do të dalë së shpejti. Unë jam modele në atë videoklip. Fakti që unë kam marrë pjesë tek klipi i tij nuk do të thotë që mund të kemi një raport më shumë se sa miqësor me njëri-tjetrin. Ne menduam të sjellim diçka të bukur për fansat, por mes nesh nuk ka asgjë më shumë se sa miqësi”, -tha Tito.
Moderatorja ka nisur në Tv Klan sezonin e dytë të emisionit Dr.Plastik.
