Mesfushori i Juventusit Sami Khedira është rikthyer në stërvitje, pas më shumë se një muaji pushim për shkak të problemeve me zemrën. Klubi italian njofton se Khedira kaloi me sukses të gjitha testet kardiologjike dhe mund të rinisë aktivitetin sportiv.
Për shkak të këtyre problemeve, Sami Khedira humbi dy ndeshjet e Juventusit në Champions League kundër Atletico Madrid.
Stafi mjekësor vendosi një ndalesë të gjatë për mesfushorin, me frikën se sforcimi fizik mund të sillte probleme të rënda shëndetësore. Tragjedia e pak kohëve më parë me Davide Astorin shërbeu si një kambanë alarmi, por fatmirësisht në rastin e Khedirës nuk ka asgjë për t’u shqetësuar./Opinion.al
