Klodian Tomorri-Heqja e tatimit mbi vleren e shtuar per ndertimin e banesave, qe u shemben nga termeti eshte lajmeruar qe ne fillim te dhjetorit. Por nuk ka hyre ende ne fuqi. Arsyeja? Qeveria ka dy muaj qe nuk ben dot VKM-ne, ku percaktohen kriteret dhe procedurat e heqjes se TVSH-se. Vazhdojne e zvarrisin.
Ligji per rivleresimin e pasurive te paluajtshme eshte miratuar qe ne daten 18 dhjetor ne Parlament. Ka hyre ne fuqi ne daten 13 janar. Por rivleresimin nuk e ben dot. Arsyeja? Ministria e Financave dhe Agjencia Shteterore e Kadastres nuk kane bere ende udhezimin qe percakton kriteret dhe procedurat se si behet rivleresimi.
Fondacionet dhe organizatat bamirese kane filluar ndertimin e banesave per te strehuar familjet qe sot jane jashte ne te ftohte sepse kane humbur shtepite. Po e bejne duke paguar 20 per qind TVSH.
Per cdo shtepi qe kushton 25 mije euro, shteti merr 5 mije euro TVSH duke e cuar koston ne 30 mije euro. Ky eshte biznes me fatkeqesine. Paturpesi apo paaftesi, kete e di qeveria. E di Ministria e Rindertimit, Ministria e Financave, Zevendeskryeministri, Kryeministri dhe kushdo tjeter qe ka detyren te pergatise VKM-ne. Por keta nuk kane kohe te merren me keshtu vogelsirash sepse po punojne per te zgjidhur problemet madhore te globit.
Njerezit jane duke pritur te rivleresojne pasurite, por nuk e bejne dot sepse Kadastra e Artan Lames dhe Ministria e Financave pertojne te bejne nje udhezim dy faqe. Pastaj ankohen se pse bien te ardhurat.
Pertesa eshte semundje boterore e burokrateve. Por ka kufi. Vendi nuk eshte ne situate normale. Ka me mijera njerez qe jane neper cadra. Ne vend qe te falenderojne donatoret, qe kane ndihmuar duke dhuruar para dhe duke ulur koston qe duhet te paguante shteti, shkojne i taksojne.
Ja keshtu. Keta s’bejne dot nje cope udhezimi, do ndertojne banesat e njerezve.
