Një incident ka ndodhur në aktivitetin përkujtimor për 77-vjetorin e kryengritjes anti-komuniste të Postribës.
Pas vendosjes së kurorave me lule në memorialin në përkujtim të lëvizjes së parë antikomuniste nga kryetari i bashkisë Shkodër Benet Beci, një qytetar mori kurorat dhe i hodhi në tokë duke thënë se këta të sotmit janë pasardhës të atyre që i kanë pushkatuar gjyshin.
“O Benet nuk ke nevojë të vish. Ata më kanë pushkatuar gjyshin. Nuk kanë nevojë të vijnë sot të vendosin kurora. Nuk ka nevojë ai të vërë kurora se më kanë vrarë gjyshin,” – u shpreh i revoltuar banori.
Pas këtij incidenti, kryebashkiaku Beci u largua menjëherë. Kjo është hera e parë që socialistët përkujtojnë kryengritjen e Postribës.
Kryengritja e Postribës që nisi më 7 shtator 1946, është një nga lëvizjet e para të armatosura antikomuniste, jo vetëm në Shqipëri, por në të gjithë bllokun lindor. Edhe pse dështoi për të qenë një kryengritje serioze me ndikim të gjerë, pasojat që la për pushtetin komunist ishin të rënda dhe që nga ajo periudhë nisën reprezaljet më çnjerëzore.
