Për femrat politikane është folur shumë në media për sa i përket pamjes së tyre fizike. Meshkujt deputetë janë ata që nuk janë komentuar shumë për pamjen e tyre fizike. Opinion.al, ka vendosur që sipas syrit tonë të sjellim një listë me deputetët më të pashëm të parlamentit.
Lulzim Basha – Kryetari i Partisë Demokratike gjithmonë është komentuar për pamjen e tij fizike. I gjatë, me trup të rregullt, me tipare tërheqëse nuk mund ti mungonte kësaj liste. Basha ruan imazhin e djalit të mirë por njëkohësisht edhe serioz. Një tipar dallues i kryetarit të PD-së është padyshim buzëqeshja e tij e ëmbël. Ndoshta diçka nuk shkon mirë në modelin e tij të flokëve, gjë që e ka bërë gjithmonë të duket më i madh se sa është vërtetë.
Klevis Balliu – Edhe pse i ri në moshë, ai arriti të ishte pjesë e këtij parlamenti. Ndoshta i favorizuar nga mosha e re, paraqitja e tij e jashtme i plotëson kriteret për të qenë pjesë e kësaj liste. Klevisi është i ri, beqar dhe ka hedhur hapa në karrierë dhe në sytë e çdo vajze ai mund të konsiderohet tërheqës. Kostumi dhe kollarja te meshkujt e moshës së tij, është një tipar joshës, ndaj Balliu ja ka dalë me sukses.
Arben Ahmetaj – Ministri i Financave, është një nga politikanët më simpatikë të Partisë Socialiste. Kjo ndoshta jo vetëm për shkak të prezencës së tij dhe veshjes gjithmonë zyrtare, por edhe për lirshmërinë me të cilën komunikon me të gjithë. Këto detaje e bëjnë Ahmetaj një politikan interesant. Ai ka tipare të errëta dhe ndonëse nuk është shumë i gjatë gjithsesi është personazh i komentueshëm.
Niko Peleshi – Në pamje të parë, Ministri i Bujqësisë duket shumë simpatik. Me flokë të zinj, me pamje të rregullt, dhe ndoshta edhe për edukatën që ka (detaj ky për të cilin Peleshi është komentuar shumë). Ai nuk shfaqet shume ne publik dhe perveë Korçës, në Tiranë duket se mungojnë informacionet për të). Mund të themi me plotë gojë, që kemi një Ministër bujqësie shumë simpatik.
Blendi Klosi – Ministri i Mirëqënies Sociale, është një prej emrave tashme te “vjetër” të Partisë Socialiste. Klosin e kemi parë që kur ishte ende shumë i ri, dhe këtë pamje ai ka arritur ta ruajë edhe pas shumë vitesh. Klosi ka një imazh të rregullt, interesant, dhe larg intrigave. Ndoshta janë këto detaje që e bëjnë Ministrin të na duket edhe më simpatik.
Edi Paloka – Pjesë e kësaj liste është edhe deputeti i Partisë Demokratike, Edi Paloka. Si politikan është i suksesshëm, i njohur dhe duket se i përket kategorisë së njerëzve që nuk e njohin shumë frikën. Ne fillimet e karrierës madje ishte nga politikanet që nuk nguronte të përplasej dhe fizikisht me policinë, ndonëse me kalimin e kohës diçka ka ndryshuar dhe tek ai.Mund të themi që Paloka është një nga personazhet e njohura të Tiranës. Veshje serioze, flokë të zinj tashmë pak të thinjur dhe protagonist. Nga të gjitha këto detaje, mund të themi që Edi Paloka bën pjesë në listën e politikanëve meshkuj më simpatik të këtij parlamenti.
Gledion Rehovica – Deputeti i Partisë Lëvizja Socialiste për Integrim, mund të mos jetë një emër shumë i njohur në politikë, por në pamje të parë duket simpatik, kështu ne vendosëm ta përfshinim në listë. Edhe pse në moshë të re shihet qarte mungesa e flokëve. . Në fakt të gjithë e dimë që shumë vajzat nuk e kanë problem këtë fakt, përkundrazi me raste e konsiderojnë dhe interesant. Ndaj dhe ne vendosëm që ta përfshinim deputetin e LSI si pjesë e kësaj liste, ndoshta për të përfaqësuar kategorinë e meshkujve tullac.
Genc Pollo – Deputeti i Partisë Demokratike, mund të ketë disa vite mbi supe, por përsëri mbetet një burrë i pashëm. Që prej fillimeve të hershme në politikë, ai është komentuar si një mashkull tërheqës. Shumë femra ende i qëndrojnë përshkrimit klasik për mashkullin ideal “biond, me sy bojëqielli, i gjatë, serioz”. Nëse Pollo nuk i përshtatet atëherë kush tjetër?
Endrit Brahimllari – Deputeti i LSI-së, është simpatik, i qetë, por duket që fsheh një nerv në vetvete. Ai është i ri në moshë, por nëse do të kishte disa kg më pak, do e bënin të kryesonte bindshëm listën.
./Opinion.al
