Sot është mbledhur Konventa e LSI- ku janë zgjedhur edhe drejtuesit e saj të rinj. Vasili kyetar dhe Monika kryemadhi zëvendëskryetare. Por ndryshe nga herët e tjera, bashkëshortët Meta-Kryemadhi kanë bërë disa deklarata të forta këtë herë, ata kanë shprehur superlativa publikisht për njëri-tjetrin. Meta e ka falenderuar Monikën dhe ka thënë se ajo ka mbetur e njëjta qëkur ai e ka takuar, atë kohë Monika 17 vjeçe, shkruan opinion.al
“Kam dy falënderime të veçanta pa të cilat nuk do isha ky që jam sot. Falënderimi i parë për popullin e Skraparit. Pa besnikërinë e jashtëzakonshme të atyre njerëzve unë sot do isha një kujtim në politikën shqiptare. Besnikëria e tyre më ka kalitur mua ndaj miqve dhe mbi të gjitha ndaj Shqipërisë. Një falënderim i veçantë i takon Monës, edhe pse vajza jonë sot është më e madhe se kur takova unë Monën. Por Mona ka ngelur ajo që unë kam takuar atë ditë.
E falënderoj se unë këtu nuk shoh një Monë, por shumë Mona. E falënderoj për kujdesin dhe mbështetjen që ajo u ka dhënë vajzave dhe grave në politikë”, është shprehur Meta.
Nga ana tjetër Kryemadhi, ka vazhduar me deklaratat e saj thuajse në të njëjtën linjë, duke thënë se ndihej e nderuar jo si zonja e parë, por si zonja e Iliri Metës.
“I uroj suksese Metës në detyrën e re. Ka nga ata që thonë se unë do jem sipas protokollit zonja e parë. Ju them se unë jam e nderuar në ceremonial, por unë ndihem e nderuar që jam zonja e Ilir Metës”, ka thënë Monika Kryemadhi.
Këto kanë qenë fjalë që ata nuk i kishin thënë ndonjëherë publikisht, ndaj janë pritur me duartrokitje nga të gjithë antarët e LSI.
Ilir Meta dhe Monika Kryemadhi janë të martuar dhe kanë 3 fëmijë. /opinion.al
