Kryetari i Partisë Demokratike, Lulzim Basha ka reaguar pas përfundimit të mbledhjes së Këshillit të Sigurisë Kombëtare, ku u diskutua situata e krijuar nga koronavirusi,
Basha shprehet përmes një postimi në rrjetet sociale se në këtë mbledhje ku ishte i pranishëm kryeministri Edi Rama, i ka kërkuar qeverisë që të mbëshetsë familjet në nevojë dhe bizneset.
Reagimi
Në mbledhjen e KSK detajova arsyet, nevojën dhe përfitimet që kanë qytetarët nga rritja e testimeve, si dhe i kërkova qeverisë mbështetjen për familjet në nevojë dhe bizneset në këto kohë të vështira. Njerëzit duan garanci për jetën, shëndetin dhe mirëqenien e tyre. Ky është angazhimi im dhe i opozitës. Gjithë energjitë dhe resurset e qeverisë duhet të shkojnë për të lehtësuar krizën dhe jo për sulme politike, sepse sot shqiptarët e papunë dhe në vështirësi ekonomike, kanë nevojë për mbështetje të menjëhershme. #ditemetemira./ Opinion.al
