Ish-kryeministri, Sali Berisha, ka mbërritur në ambientet e selisë blu, teksa në mesditë pritet që Këshilli i Mandateve të shqyrtojë kërkesën për heqjen e imunitetit të tij.
Ndërsa mbledhja në Kryesinë e Kuvendit pritet të nisë në 12:00, Berisha ka paralajmëruar një dalje për mediat në 11:00.
Ndërkohë, Partia Demokratike ka paralajmëruar mbajtjen e një protestë para ambienteve të Kryesisë së Kuvendit.
Sakaq, Policia e Shtetit ka marrë masa të shtuara për protestën, ku forca të shumta policie të pajisur me maska kundragaz janë vendosur në afërsi të Kryesisë së Kuvendit dhe Kryeministrisë.
