Këshilli Bashkiak i Tiranës do të shqyrtojë të premten propozimin për shembjen e godinës së Teatrit Kombëtar.
Sipas një emaili dërguar këshilltarëve në rendin e ditës së mbledhjes së datës 15 është futur vendimi për miratimin e aktekspertizës së Institutit të Ndërtimit, realizuar që në vitin 2018. Mbledhja është parashikuar të nisë në mesditë.
Pas vendimit të qeverisë për t’ia kaluar godinën në pronësi Bashkisë së Tiranës, të mërkurën, Policia Bashkiake shkoi në ambientet e Teatrit Kombëtar për të vendosur një letër ku tregohej se ky institucion kalonte zyrtarisht në pronësi të Bashkisë.
Aktivistët e Aleancës për Teatrin kanë reaguar pas këtij veprimi duke u mbledhur rreth godinës duke deklaruar se nuk do të lejojnë shembjen e saj. /Opinion.al
