Gjumi në verë, në pjesën më të madhe të kohës, kthehet në një luftë me vapën dhe me gjetjen e një pozicioni pak më të freskët se e zakonshmja. Nuk janë të pakta as rastet kur bëhesh njësh me murin, për ti marrë të gjithë ftohtësinë, por përfundimi është i njëjtë, gjumë torturues dhe lodhje gjatë ditës së nesërme. Për të shmangur gjithë këtë siklet, këto janë disa këshilla për të qëndruar i freskët gjatë mbrëmjeve të nxehta.
- Mbushni një shishe me ujë të ngrohtë, dhe më pas shtojini ujë të ftohtë dhe vendoseni në ngrirje. Lëreni për 2 orë përpara gjumit, dhe merreni me vete në krevat.
- Përpara gjumit hidratohuni me ndonjë krem ose xhel aloe vera. Ndihmon në mbajtjen e freskët të trupit, sidomos nëse ndodhet në frigorifer.
- Mbani një shishe spërkatëse dhe mbusheni me ujë. Gjatë kohës që keni vapë, mund të freskoheni disi.
- Përdorni pizhame pambuku. Sa më cilësor materiali, aq më mirë do të flini.
- Sigurohuni që mos ta keni tepruar me proteinat në darkë.
- Konsumoni ushqim pikant 3 orë përpara gjumit. Do ju bëjë të djersini dhe kjo do e qetësonte trupin tuaj përpara se të mbyllni sytë.
- Gjatë ditës konsumoni sa më shumë ujë.
