Shumë të rinj, sidomos në Shqipëri, zgjedhin rrugën e shkurtër për t’u pasuruar duke i hyrë paligjshmërive. Por një këshillë për ta më së miri mund ta japë John Alite.
Duhet të keni dëgjuar për të! Dikur ka qenë gangster në rrugët e New York-ut. Ai shërbeu për familjen e John Gotti-t, por u pendua, duke bashkëpunuar me autoritetet amerikane dhe tashmë jeta e tij ka ndryshuar tërësisht.
John Alite është bërë këshilltar në bashkinë e Englishtown në New Jersey. Në një intervistë për gazetarin Blendi Fevziu në “Opinion” ai tha se nuk ka një rrugë të shpejtë për të kapur milionat.
Ai theksoi se ajo sjell vetëm burg, vdekje dhe rrezikon edhe familjen. Këshilla e tij është që të rinjtë të ndjekin shembuj suksesi pune si vetë Fevziu.
“Këshilla ime është jenë zotërinj si puna juaj dhe të ndjekin persona si puna juaj. Të ndjekin hapat e dikujt, i cili punon fort për jetesën e tyre, është një zotëri, flet për gjërat e sakta të botës dhe për mënyrën nëpërmjet të cilave mund të ndihmojnë fëmijët. Nuk e shikojnë se nuk ka një rrugë të shpejtë për të arrirë këto gjëra në jetë. Ka vetëm burg, vdekje, të kompromentosh veten dhe familjen tënde. Afatgjatë ke për të vuajtur dhe nuk ke për të pasur një jetë të lumtur”, tha Alite.
Vetë Alite, që i ka kaluar disa vite burg prej të kaluarës së tij, theksoi se duhet të punosh fort për t’i kthyer jetës normale.
“Asgjë nuk ndodh brenda natës”, tha ai pasi duhet të kushtosh kohë dhe të sakrifikosh për t’iu kthyer rrugës së duhur.
