Menjëherë pas golit spektakolar të Granit Xhakës në ndeshjen Serbi-Zvicër, FIFA në faqen zyrtare në Facebook ka publikuar një video të momentit kur futbollisti shënon golin e feston me shqiponjë.
Video ka ngjallur shumë komente patriotike, por edhe sherr mes komentuesve serb e shqiptarë. Megjithatë një ndjekës i faqes ka qenë i interesuar për diçka krejt tjetër.
“Dua një të dashur”, komenton ai në hapsirën e komenteve të videos. FIFA që rrallëherë mund të replikojë në komente, i ka kthyer përgjigjen epike komentuesit. “Faqja e gabuar”, është përgjigja e FIFA-s.
