Mëngjesin e sotëm IKMT dhe Policia e Shtetit kanë zbarkuar në ambientet e Prestige Resort për të sekuestruar dy godina.
Teksa çështja është në gjykatën Administrative, të pranishëm në këtë aksion janë dhe përfaqësues të Ministrisë së Shëndetësisë, ndërkohë që sipas televizionit News 24 pretendohet se këto godina do t’i kalojnë Shërbimit Social Shtetëror.
“Urdhrat që keni marrë janë urdhra të brendshëm. Vendimi thotë: kalim në pronësi të Ministrisë së Shëndetësisë të godinës. Ne s’e kemi humbur posedimin e sendit. Jemi në gjyq. Nëse e vlerësoni se jeni pronarë, atëherë duhet të keni një vendim. Vendimi juaj që kërkoni që të na nxirrni jashtë, është i paligjshëm,”, tha përfaqësuesi ligjor i shoqërisë Hysenbelliu Gruop.
Ndërkaq punonjësja e Shërbimit social është shprehur: Na lejoni të bëjmë punën tonë. Kemi ardhur të zbatojmë ligjin.
Kujtojmë se IKMT ka shembur në dhjetor të vitit të kaluar me shpërthim të kontrolluar ‘Prestige Resort, në pronësi të botuesit të Irfan Hysenbelliu. Para se shembej godina e këtij resorti, IKMT ndërmori një tjetër aksion para tre muajsh, aksion i cili nisi vetëm me prishjen e pishinës së resortit./Opinion.al
