Brexit mesa duket do të ndodhë pa marrëveshje, pasi kërkesat e BE janë “të papranueshme”. Kështu këërcënoi kryetari i parlamentit Chris Grayling pas refuzimit të planit ‘Chequers’ në samitin e para dy ditëve. Ai u shpreh se Britania po përgtitet të dalë me forcë, pa marrëveshje nga blloku.
Sipas Grayling, Brexit dotë ndodhë në datën 29 mars, 2019.
Kjo vjen menjëherë pas deklaratave të Donald Tusk, që “plani i Theresa May nuk do të funksionojë”. Shefi i Bashkimit Europian i dha një muaj kohë kryeministres britanike që të zgjedhë një plan tjetër. Chris Grayling ndërkohë tha se qeveria britanike nuk do të heqë dorë nga plani ‘Chequers.’
“Ajo ç’ka kërkon BE është e pamundur për Britaninë e Madhe që ta pranojë,” tha ai. “Nëse ata mbajnë këtë qëndrim, nuk do të ketë marrëveshje.”
Kur u pyet nga BBC nëse do të vazhdojë të qëndrojë në kabinet nëse plani ‘Chequers’ koncensionohet, Grayling tha se nuk do të komentojë “ndryshime specifike të Chequers”.
“Ka gjëra që personalisht nuk mund t’i pranoj, por as kryeministrja.”
“Ajo me vendosmëri u shpreh se nuk do të pranojmë ato kushte. Ne nuk pranojmë një kufi mes Irlandës Veriore dhe pjesës tjetër të MB,” tha kryetari i parlamentit, Grayling.
Britania po përgatitet tashmë për një dalje me forcë nga Bashkimi europian pa marrëveshje. Chris Grayling tha se nëse partnerët europianë nuk duan marrëveshje, ka gjëra që Britania nuk i pranon dot. Theresa May vazhdon t’i qëndrojë planit të saj Chequers. Ky i fundit është i vetmi propozim që ata kanë./Opinion.al
