Gazment Bardhi ka folur për mediat pas përfundimit të Këshillit të Mandateve, ku PS dhe PD u dakordësuan që të autorizojnë SPAK për arrestimin e Arben Ahmetajt.
Bardhi ka treguar disa nga emrat të cilët ndodhen në dosjen hetimore. Sipas tij, në dosje është emri i Ermonela Fejal, Fadil Nasufi dhe Bajftjar Zeqos, ndërsa më herët u përmed dhe emri i Damian Gjiknurit.
“Me vota unanime u vendos t’i rekomandohet seancës plenare për dhënien e autorizimit për arrestimin dhe kontrollin e banesës për deputetit Ahmetaj. U ndamë në kohën se kur seanca plenare duhet të miratojë këtë kërkesë.Opozita sot depozitoi raportin e saj me shkrim, për fat të keq kolegët e mazhorancës i dhanë kohë vetes deri të premten për të dorëzuar raportin. u vendos në mënyrë arbitrare që kërkesat të shqyrtohet të hënën. Nesër do depozitojmë kërkesë për ndryshim rendi dite që prokurorisë t’i hapet rruga për të vepruar menjëherë. Nga shqyrtimi që kam bërë unë, rezulton se në dosje përmenden po ashtu edhe Ermonela Fejal, Fadil Nasufi, Bajftjar Zeqo”,-tha Bardhi./Opinion.al
