Anëtar i Komisionit të Rithemelimit të PD, Belind Këlliçi në një dalje për mediat ka komentuar kërkesën e SPAK për arrestimin e deputetit Alqi Bllako në çështjen e inceneratorëve. Ai tha se është ky moment për të ngritur zërin që Rama, Veliaj, Ahmetaj dhe Agaçi të mbajnë përgjegjësi. “Sot nuk është lajm i gëzueshëm kërkesa për të arrestuar një deputet të PD, por sot është moment për të ngritur zërin dhe për të kërkuar, që Ranma, Veliaj, Ahmetaj dhe Ëngjëll Agaçi të mbajnë përgjegjësi për aferën më të madhe korruptive të shekullit”, tha Këlliçi.
I pyetur përse votoi kundër raportit të komisionit hetimor, ai u shpreh: “Nuk është bërë transparencë për draft raportin final dhe nuk jam pyetur, Të jeni të sigurt që me dokumentat do të jepja një ndihmë shtesë për të rënduar pozitën e zyrtarëve në këtë aferë”./Opinion.al
