Një bellydancer e njohur egjiptiane, Sama el-Masry, u dënua me tre vjet burg dhe gjobë 300,000 paund egjiptianë (15,000 paund britanik) për sjellje provokuese dhe nxitje imoraliteti.
El-Masry u arrestua në prill gjatë një hetimi mbi video dhe foto në mediat sociale, përfshirë platformën TikTok, që prokuroria publike e përshkroi si provokuese seksuale.
Kërcimtarja, 42 vjeçare, mohoi akuzat, duke thënë se videot dhe fotot u vodhën nga telefoni i saj dhe u shpërndanë në rrjet pa pëlqimin e saj.
Gjykata e Kajros të shtunën tha që ajo kishte shkelur parimet dhe vlerat e familjes në Egjipt, si dhe krijimin, menaxhimin dhe përdorimin e faqeve dhe llogarive në mediat sociale me qëllim të kryerjes së “imoralitetit”.
“Ekziston një ndryshim i madh midis lirisë dhe shthurjes,” tha John Talaat, një anëtar i parlamentit i cili kërkoi veprim juridik kundër el-Masry dhe grave të tjera që kanë llogari në TikTok.
Talaat i tha Fondacionit Thomson Reuters se el-Masry dhe “influencer”-et e tjera femra në mediat sociale po shkatërronin vlerat dhe traditat e familjes, aktivitete që ishin të ndaluara me ligj dhe kushtetutë.
El-Masry tha që ajo do të apelonte vendimin.
Disa gra në Egjipt janë akuzuar më parë për “nxitje të trazirave” duke sfiduar normat konservatore sociale të vendit, përfshirë aktoren Rania Youssef pasi kritikët kundërshtuan zgjedhjen e saj të veshjes për festivalin e filmit në Kajro në 2018.
Në 2018 Egjipti miratoi një ligj për krimin në internet që i jep qeverisë autoritetin e plotë për të censuruar internetin dhe ushtruar mbikëqyrjen e komunikimeve.
Ligji sjell dënime me burg për të paktën dy vjet dhe gjobë deri në 300,000 paund egjiptianë.
Një grup i grave me ndikim në TikTok dhe Instagram dhe YouTube janë arrestuar nga autoritetet egjiptiane muajt e fundit me akuzën e promovimit të shthurjes dhe prostitucionit në mediat sociale./ Opinion.al
