Një 53-vjeçar është arrestuar nga policia, pasi ai ka kanosur dhe ka kundërshtuar një punonjës të OSHEE-së.
Mësohet se ngjarja ka ndodhur në fshatin Rrjoll të Velipojës.
Sipas njoftimit të policisë, punonjësi i OSHEE-së ndodhej në banesën e shtetasit F.GJ për kryerjen e verifikimeve në aparatin matës të energjisë elektrike.
Ndërkohë, materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
Njoftimi i policisë:
Stacioni i Policisë Velipojë ka arrestuar shtetasin F.Gj., 53 vjeç, banues në fshatin Rrjoll, pas një incidenti që ndodhi gjatë një kontrolli nga punonjësit e OSHEE-së. F.Gj. dyshohet se ka kanosur dhe ka kundërshtuar një punonjës të OSHEE-së ndërsa ky i fundit ishte në procesin e verifikimit të aparatit matës të energjisë elektrike në banesën e tij.
Ngjarja është raportuar nga Komisariati i Policisë Shkodër dhe materialet e rastit janë referuar në Prokurori për të nisur procedimin penal kundër F.Gj. për akuzat e kanosjes dhe kundërshtimit të punonjësve të OSHEE-së gjatë ushtrimit të detyrës.
