Një 47-vjeçar është arrestuar nga policia e Lushnjes, pasi ka kërcënuar me thikë mjeken e qendrës shëndetësore në fshatin Ngurrëz e Madhe.
Policia bën me dije se 47-vjeçari i identifikuar me inicialet G. K. ka shkuar në zyrën e mjekes dhe ka kërkuar nga mjekja rimbursim për disa ilaçe që nuk janë për sëmundjen që ky shtetas është diagnostikuar dhe gjatë debatit e ka kërcënuar atë me thikë.
“Arrestimi i këtij shtetasi u bë pasi ka kanosur për shkak të detyrës me thikë shtetasen A. V., me detyrë mjeke pranë qëndrës shëndetësore në fshatin Ngurrëz e Madhe” njoftoi policia.
Materialet i kaluan Prokurorisë pranë Gjykatës së Shkallës së Parë Lushnje për veprën penale “Kanosje për shkak të detyrës”. /Opinion.al
